NOMİNASİYA VƏ MÜKAFATLAR

Qaliblər aşağıdakı nominasiyalar üzrə rəsmi CINEMO diplom və mükafatını alacaqlar:

BEYNƏLXALQ
– Ən yaxşı bədii film;
– Ən yaxşı sənədli film;
– Ən yaxşı sosial çarx;
– Ən yaxşı musiqi klipi;
– Ən yaxşı sosial media vloqu;
– CINEMO TikTok.

YERLİ (yalnız Azərbaycan)
– Ən yaxşı bədii film;
– Ən yaxşı sənədli film;
– Ən yaxşı sosial çarx.

İŞTİRAK ŞƏRTLƏRİ

  • Əvvəllər yayımlanmış filmlər təqdim edilə bilər;
  • Azərbaycanlı iştirakçılar həm beynəlxalq, həm də yerli nominasiyalara film təqdim edə bilər;
  • İstənilən nominasiya üzrə istənilən sayda film təqdim edilə bilər, lakin bir film yalnız bir nominasiyaya təqdim edilməlidir;
  • Filmi təqdim etmək onun nümayişinə və ya qəbuluna zəmanət vermir. Qəbul bildirişi sizə göndəriləcək;
  • Film orijinal istehsal olmalıdır və təqdim edilməzdən əvvəl bütün məzmun üçün tam icazəyə malik olmalıdır. Müəllif hüquqlarının pozulması nəticəsində yarana biləcək hər hansı problem üçün iştirakçı məsuliyyətlidir. CINEMO müəllif hüquqlarının pozulmasına görə məsuliyyət daşımır;
  • Dini, irqi, milli ayrı-seçkiliyin təşviqi; senzurasız ifadələr, zorakılıq və pornoqrafik materialdan ibarət məzmun qadağandır;
  • Filmin mobil telefona çəkilişi ilə bağlı hər hansı şübhə yaranarsa, mobil telefona çəkilmiş videolar, ekran təsvirləri, kadrarxası materiallar və s. tələb oluna bilər;
  • Filmlər 31 oktyabr 23:59-dək FilmFreeway.com saytından təqdim edilməlidir. Festivala e-mail vasitəsilə filmlər qəbul edilmir.

MOBİL FİLMƏ TƏLƏBLƏR

  • Təqdim olunan film yalnız mobil telefona çəkilməlidir;
  • Çəkiliş üçün işıq, ronin, mikrofon, tripod və s. əlavə avadanlıqlardan (professional və ya evdə hazırlanmış) istifadə edilə bilər;
  • Video və audionun montajı, rənglənməsi və xüsusi effektlər üçün istənilən kompüter proqramından və ya mobil tətbiqdən istifadə edilə bilər;
  • Xronometraj:
    – bədii film: beynəlxalq – 30 dəq.-dək, yerli – 10 dəq.-dək;
    – sənədli film: beynəlxalq – 30 dəq.-dək, yerli – 10 dəq.-dək;
    – sosial çarx: beynəlxalq – 3 dəq.-dək, yerli – 2 dəq.-dək;
    – musiqi klipi: 5 dəq.-dək;
    – sosial media vloqu: 5 dəq.-dək;
  • Ekran ölçüsü: 1080p Full HD;
  • Nisbət: 16:9 (üfüqi); sosial media vloqu: 9:16 (şaquli);
  • İngilis dilindən başqa dildə təqdim olunan filmin ingiliscə subtitrləri olmalıdır.

MÜNSİFLƏR HEYƏTİ

Onlar sizin filminizi gözləyir.

  • Kinoprodüser, rejissor, ssenarist – Nizami Kino Mərkəzinin direktoru (2024). “İlin ən yaxşı idman filmi” (2023), Azərbaycan Kinematoqrafçılar İttifaqının Milli Kino Mükafatı (2024) və Azərbaycan mədəniyyətinin inkişafında xidmətlərinə görə Azərbaycan Respublikası Mədəniyyət Nazirliyinin Təşəkkürnaməsi (2024) ilə təltif edilib.

    Əli-Səttar Quliyev

  • Rejissor, ssenarist – yazı və hekayələri “Литературный Азербайджан” və “Мир литературы” jurnallarında dərc olunub, tammetrajlı film ssenarisi VGİK-in festivalında iştirak edib. Bir neçə Azərbaycan və Rusiyada çəkilmiş bədii filmlərin ssenari müəllifidir.

    Nərgiz Bağırzadə

  • Aktyor – AR Əməkdar Artisti, Azərbaycan Respublikası Teatr Xadimləri İttifaqının üzvü, YUĞ Dövlət Teatrının aktyoru və AMEA Folklor İnstitutunun “Folklor studiyası”nda rejissoru, Azərbaycan İncəsənət Məktəbinin müəllimi. Milli Humay Mükafatı laureatı (2015), Prezident Mükafatına (2021) layiq görülmüşdür. Bir çox bədii və sənədli filmlərə çəkilmişdir.

    Qasım Nağı

  • Rejissor, ssenarist – filmləri Avropa Qısa Pitçing müsabiqəsində (Image Production Award, Mastering and Distribution Award mükafatları), Sarayevo Film Festivalında (2020), Moskva Premyer Film Festivalında, Baykonur Beynəlxalq Film Festivalında, Batumi Film Forumunda (Kino Tənqidçiləri Mükafatı) və Bişkek (Münsiflər Heyətinin Xüsusi Mükafatı) iştirak edib. “İki gün” ikinci filmi Azərbaycan Respublikası Mədəniyyət Nazirliyinin təşkil etdiyi “Böyük qayıdış” pitchinq layihəsində qalibi (2021) olub.

    Teymur Qəmbərov

CINEMO 2023 QALİBLƏRİ

Bədii filmlər:
I yer – “44 ölçü” / Dilavər MANAFOV;
II yer –  “BAYRAM HƏDİYYƏSİ” / Şirin ƏHMƏDOV;
III yer – “BAĞLIDIR / AÇIQDIR” / QAFAROVA.

Sənədli filmlər:
I yer –  “ALOVLA SAVAŞANLAR” / Taleh URFANSOY;
II yer –  “ŞƏRQİYYƏ” / Sabir NURULLAYEV;
III yer – “DAŞLARIN SİRRİ” / Emin HƏSƏNOV.

Sosial çarxlar:
I yer –  “QİSMƏT” / Məmmədəli ƏBİLOV;
II yer –  “GƏLİNCİK” / Fikrət GÜNDÜZLÜ;
III yer – “MƏNİM ADIM AUTİZMDİR” / Azər KAZIMOV.

SPONSORLAR

Təşkilatçı:

Sponsorlar:

Proqram sponsoru:


İnformasiya sponsorları:

MOBİLOQRAFİYA KURSLARI

CINEMO peşəkar rejissorluq proqramı əsasında mobiloqrafiya kursları keçirir.

Kursun müddəti: 1 ay (həftədə 2 dəfə olmaqla 1,5-2 saat dərs).

Format: nəzəri və təcrübi biliklər; çəkiliş avadanlıqları ilə əyani tanışlıq, onlardan istifadə.

Kursun proqramı:

  • Modul #1: Giriş. Çəkiliş mərhələləri;
  • Modul #2. Mobil çəkilişə hazırlıq;
  • Modul #3. Mobil çəkiliş;
  • Modul #4. Səs;
  • Modul #5. İşıq;
  • Modul #6. Mobil telefona çəkiliş texnikaları;
  • Modul #7. Mobil telefonda montaj;
  • Modul #8. Yekun. Sertifikatların təqdim edilməsi.

Kursda kimlər iştirak edə bilər: Yeni başlayanlar; Mobiloqraflar; Videoqraf, operator, rejissor olmaq istəyənlər; Bloqqerler, bloqqer olmaq istəyənlər; İnstaqram səhifəsi işlədənlər; Arzusu olan hər kəs!

Əlavə üstünlüklər: Sertifikasiya Proqramını keçən məzunlara Sertifikat verilir; Telegram qrupuna daxil edilir.

SERTİFİKASİYA PROQRAMI

Mobiloqrafiya kursunu bitirdikdən sonra Sertifikasiya Proqramını keçən məzunların müvafiq məlumatları Mobiloqrafların Vahid Məlumat Reyestrinə (www.mobiloqraf.az) daxil edilir. Gələcəkdə hansısa müəssisəyə işə düzəlmək və ya xidməti müqavilə üçün müraciət etdikdə qarşı tərəf bu sayt üzərindən Sertifikatın doğruluğunu yoxlaya biləcək.